Les mots surlignés font l'objet d'une note
1Monsieur, je n’ay voleu falhir trevant la
2commodité de me remantevoyr bien humblement à votre
3bone grace et souvenance par la presante et
4aussi vous fère entendre que, suyvant votre advis
5touchant le faict de messieurs de Sault, lequel leur
6fis entendre, ilz se comportent avec monsieur le
7conte de Carces en amytié et reconsilliation. J’ay faict
8entendre aussi bien expressement par letre à
9monsieur de Sainct Sernin et monsieur de Cabanes
10ce que mes dictes pour le leur fère savoyr, dequoy
11ils vous en peuvent avoyr escript quelque
12resolution. Au reste je vous supplye de croyre
13que n’avés parent en ce monde qui de melheur
14cœur s’employent pour votre servisse que moy ;
15et après m’estre bien humblement recomandé à
16votre bone grace, prieray Dieu vous donner,
17monsieur, en perfaite santé très bone et longue
18vye. D’Allemaigne, ce Ve janvier
19Je desire estre très humblement recomandé
20à la bonne grace de madame de Gordes
21et monsieur de La Roche.
22Votre très affectioné parant et
23serviteur
24Allemaigne